CHAPTER 41

NAGULAT na lamang si Millet nang biglang tumawag ang kanyang itay at tinakot siya na magpapamedia ito kung hindi siya magbibigay ng pera. Kasama nito ang pinsan niyang si Susan, ang panganay na anak ng kanyang Tiya Norma. Kailangan raw bayaran niya ang pagkamatay ng nanay nito. Nang dahil raw sa kanya ay nasangkot ang ina nito sa gulo niya.

“Nasaan si Gabrielle, sya ang gusto naming makausap kung hindi’y susugod kami dyan sa Malakanyang!” sabi pa ni Susan sa kanya. Napilitan tuloy si Millet na ipakausap si Gabrielle sa pamilya niya.

Nang hapon ring iyon ay pinadalhan ni Gabrielle ng pera ang mga naiwan ng kanyang Tiya Norma. Halagang five hundred thousand ang ibinigay nito ngunit hindi nasiyahan si Susan. Limang milyon ang hinihingi nito habang ang tatay naman niya ay humihingi ng isang milyon para kuno sa ‘danyos’ na idinulot ng nangyari kina Millet at sa Tiya Norma niya.

Pati si Millet ay sumakit ang ulo sa ginagawa ng ama at ng mga kamag-anak niya. Ipinasa na lamang ni Gabrie