CHAPTER 20

ISANG MALAKING SELEBRASYON ang ginaganap sa isa sa mga hotel na pag-aari ng mga Dizon para sa panalo ni Gabrielle. Imbitado ang lahat ng mga kapartido ng lalaki sa politika.

Pinaayusan at binihisan si Millet ng isang sikat na stylist. Nagproprotesta sana si Atty. Lianela Mendez na dumalo pa siya sa celebration na iyon at isinatinig nito kay Gabrielle ang naiisip.

“I don’t think kailangan pa nating isama ang babaeng yan, Gab. Panalo ka na. Pampagulo lang sya at baka magkalat lang. . .”

Hinarap siya ni Gabrielle, “Sa paningin ng lahat, asawa ko sya. Ano sa palagay mo ang iisipin ng mga tao kung hindi ko sya kasama sa mga ganitong pagtitipon? Isa pa, isa siyang malaking factor sa panalo ko, Lianela.”

“Gusto ko lang ipaalala saiyo na ang lahat ng ito ay ideya ko kaya wala kang utang na loob sa kanya. Bayad ang bawat pagtratrabaho niya. Sobra-sobra pa nga!” Inis na sabi ni Atty. Lianela Mendez pero hindi na siya nakipagtalo pa.

Hindi siya makapaniwalang palagi na lamang ipinagtatan