CHAPTER 19

NAPANGISI si Mang Solomon nang matanggap sa GCash ang padala sa kanyang singkwenta mil ni Millet.

“Kayang-kaya mo naman palang sindakin yang panganay mo eh,” tuwang-tuwang sabi ni Mildred, minasahe niya ang likod ng kalaguyo, “Hiritan mo ng bahay at kotse para naman komportable ang tutuluyan natin.”

Napaismid si Mang Solomon, “Alam mo naman itong singkwenta mil, hirapang hirapan na kong makahingi, bahay at kotse pa kaya eh may kadamutan ang asawa nun!” aniya sa babae.

Umikot sa harapan ni Mang Solomon si Mildred, at tiningnan ito ng matiim, “Hanapan mo ng butas ang asawa ng anak mo. . .hanapan mo ng kahinaan. Tingin mo hind imo sila masisindak ng husto kapag matuklasan mo ang sekretong pinakatago-tago nila?” Makahulugang sabi niya sa lalaki.

Napakunot ang nuo ni Mang Solomon, “Ano namang sekreto ang pinaka-iingatan ng mga iyon? Mildred, tigilan mo na nga yang kapapanuod mo ng mga drama sa tv.” Napapailing na sabi niya rito.

“Solomon, Solomon. . .nabasa ko sa dyaryo na isang whirlwin