CHAPTER 18

Hindi niya napigilan ang sariling damdamin. Malinaw sa kanya na umiibig siya kay Gabrielle. Natatakot siya sa bagong damdamin na ito lalo pa at alam naman niyang napakalayo ng agwat ng kanilang mga katayuan sa buhay. Isa pa, sa umpisa pa lang ay alam na niyang hindi naman ito naniniwala sa konsepto ng pag-ibig.

Pero mapipigilan ba niya ang kanyang puso?

Hanggang sa makatulog siya ay iyon ang gumugulo sa kanyang isipan. Nang magising siya kinabukasan ay wala na sa kwarto si Gabrielle. Paglabas niya ng hotel room para mag-almusal ay dinatnan niya ito sa restaurant na nagkakape kasama ni Atty. Lianela Mendez.

Napansin niyang umiwas ng tingin si Gabrielle nang makita siya. Hindi tuloy niya alam kung mauupo ba siya sa may mesa ng mga ito or sa iba siya pupuwesto? Sa huli ay nagpasya siyang maupo na lamang sa isang sulok malayo sa pwesto ng mga ito. Ni hindi niya tinatapunan ng tingin ang kinaroroonan ng mga ito sa takot na magsalubong ang kanilang mga mat ani Gabrielle.

Lasing ito