TMUW 85: Resort

"Sabi ko sasama ako sa'yo kaso hindi mo na ako tinawagan," reklamo ni Noah nang makarating ako sa bahay nila.

Tulog ang mga anak ko sa itaas. Dapat nga ay isasama ko sila pero mabuti na rin na hindi ko ginawa. Grabe ang kaginhawaan nang makita ko sila na masasaya ang mukha matapos akong makauwi galing sa sementeryo. Hindi ko rin naman aakalain na makikita ko si Lucas.

Napabuntonghininga ako at saka minadali na ang paghuhugas ng pinagkainan ko. May takot at pangamba pa rin akong nararamdam sa naging tagpo naming dalawa kanina.

Marahas ako na umiling upang alisin iyon sa isipan ko.

Hindi ko maitatanggi na kasabay nang pagkakita ko sa kaniya ay ang pagbuhos ng mga alaala ng nakaraan. Hanggang ngayon ay parang sariwa pa rin sa akin ang lahat. Parang binabalik sa akin ang panahon na nakatayo ako sa harap ng sala at pinanonood ang nangyaring insidente sa aking mga magulang.

Bumabalik sa akin ang ala-ala na nasa cctv room ako at pinanonood ang ginawang pagpapaulan ng bala ng baril ni Lucas