TMUW 25: Unknown

Naalimpungatan na inabot ko ang kumot. Dinig ko ang malakas na pagbuhos ng ulan.

Sa hindi inaasahan ay nalingunan ko si Lucas na natutulog doon sa sofa at medyo nanginginig pa. Inaantok na bumangon ako at saka wala sa sarili na inabot ang kumot na ipapagamit sana niya sa akin kanina bago iyon ipinatong sa kaniya.

Nang agawin niya iyon sa kamay ko ay bumalik na ako sa kama at muling natulog.

Umaga na nang marinig ko ang boses ni Lucas. Mukhang pinapabangon na ako ngunit sa halip na magmulat ay sumuksok ako sa gawi ng mga unan nang makaramdam ng lamig. Antok na antok na ako at wala akong lakas na bumangon upang kuhanin ang remote ng air-conditioned at hinaan iyon.

"Hey, you're hugging me too tight," reklamo niya.

Kumunot ang noo ko at inaantok na napilitan akong nagmulat ng mga mata.

Napakurap na lang ako nang makita na nakayakap na ako sa kaniya. Mabilis ko na inalis ang braso ko na nakayakap sa katawan niya at nahihiya na tumalikod.

"Puwede naman tayo mag-cuddle if that's what