TMUW 28: Body Heat

Halos manginig ako sa lamig nang magising ako. Malamlam ang mga mata na nagmulat ako at bumungad sa akin si Lucas na may hawak na bimpo at itinataas ang comforter sa akin.

"Malamig," sambit ko.

"Nilalamig ka pa rin? I already switch the air-conditioned to heater," aniya.

Saka ko lang napansin na wala siyang suot na damit pang-itaas at naka-short na lang siya. Bahagya siya na nagpunas ng pawis sa noo niya.

Malamlam ang mga mata na hinila ko ang kumot. Mahigpit ang kapit ko roon at pilit na pinulupot ang sarili.

Pinilit ko ang sarili ko na matulog ulit pero hindi ko nagawa pa dahil sa sobrang panlalamig.

"Kaya mo ba na maglakad? Dadalhin na kita sa hospital," aniya.

Mabilis ako na umiling. Mas magkakasakit ako kung mananatili ako sa hospital.

"Pero nanginginig ka na ng sobra," puna niya.

"Ganito talaga ako kapag nilalagnat. Mawawala rin ito," sambit ko.

"Are you sure?" paninigurado niya pero hindi na ako nag-abala pa na sumagot. Sobrang bigat ng talukap ko at ramdam ko rin ang init na n