Chapter 8

Nanginginig ang mga tuhod ko habang tinatahak ko ang daan papunta sa kwarto ng anak ko. Hindi ko alam kung bakit ako kinakabahan. Pinagpapawisan na rin ako. Mahigpit kong hinawakan ang mga supot na may lamang pagkain. Sa kalagitnaan ng hallway, huminto ako. Humugot ako ng malalim na hininga at pumikit nang mariin.

“Think positive, Cassandra. Walang mangyayaring masama ngayon,” kombinsi ko sa sarili at muling naglakad papunta sa kwarto.

Huminga ako nang malalim nang makarating ako sa tapat ng pinto bago ito buksan. Pagpasok ko, sinalubong ako ng anak kong babae na nakaupo sa kama, habang ang kuya niya ay nakaupo sa silya katabi ng kama, nakasimangot at hinihimas ang pisngi. Napakunot ang noo ko nang marinig ang binulong niya.

"I really hate that doctor of yours, Ursula," masungit niyang bulong. Sinarado ko ang pinto, dahilan para makuha ko ang atensyon nila.

Nanlaki ang mga mata ni Zebediah nang makita ako at pumalakpak. Si Zephyr naman ay nakasimangot pa rin, hinihimas ang pisngi. Lum