Kabanata 25

Nagpalit lang si Sandy ng damit. Hindi muna niya sinubukan na lagyan ulit ng tela ang kamay niya ,mamaya na lang siguro pag katapos kumain.

Pumunta si Sandy ng kusina. Naghanap siya ng pagkain na tira. Binuklat niya ang kaldero may kanin, ulam na lang ang kulang. Uminog ang mata niya sa loob ng kusina at nakita niyang may nakatakip sa ibabaw ng maliit na lamesa. Inalis niya ang takip at nakita ang piniritong bangus doon. Biglang kumalam ang tiyan niya. Dali-dali siyang kumuha ng plato at kanin maging ang ulam. Sa kusina na lang siya kakain para mas mabilis at mahugasan na rin ang plato. Hindi na rin nagkutsara pa si Sandy, pero hinugasan niyang mabuti ang isa niyang kamay bago hawakan ang kanin.

Samantala, ang lalaking ginamot ni Sandy ay nasa ospital na ngayon at hinihintay na lang ang pamilya nito para isama pauwi.

Habang nakapikit ang pasyente sa patient bed ay bumukas ang pinto ng kwarto. Humahangos na lumapit ang may ka-edaran ng babae.

"Dylan, okay ka na ba? Malubha ba an