Kabanata 22

Kinabukasan....

Malapit na ang tanghalian, pero si Sandy ay nakaupo sa upuan habang ang mga papel ay nasa table. Hindi mapuknat ang tingin niya sa mga papel na iyon habang ang mga kilay ay magkasalubong. Dalawang page pa lang naman ang nakikita niya, pero sa dalawang page na iyon ay parang kay gulo na ng records. Hindi mapirmi sa isang dahilan. Napansin rin niya na iba-iba ang doctor ni Dwight sa ibang papel kaya mas lalong nagugulo ang utak niya, kaya siguro hindi naagapan agad dahil sa pa-iba-ibang doctor. Napasabunot siya sa buhok niya, daig pa ang buhay sa gulo

Binaba ni Sandy ang hawak niyang papel. Kailangan niya ng ballpen at isang notebook para doon ayusin ang mga ito, at hindi siya maligaw. Ayaw niyang humiram o himingi sa kahit sino sa pamilya niya, dahil meron siyang sariling pamahiin. Dapat lahat ng gagamitin niya tungkol sa trabaho ay bago o siya ang bumili, dahil laking probinsya may sarili na rin siyang pamahiin.

Tumayo si Sandy at nag-inat. Simula alas-siete ng