Kabanata 184

“Isang mabigat na buntong hininga ang pinakawalan ni Yashveer, habang nakatanaw sa may dalawang palapag ng gusali nang Montes Hotel—hawak ang tali ng kanyang backpack. Naguguluhan siya, bakit sa hotel pa? Pwede naman sa police station mismo iabot ang perang ipapahiram sa kanya ni Sarhento.

Sa totoo lang ay nagdadalawang-isip siya kung itutuloy pa ba ang pakikipag kita o aatras na lang sa usapan nila ni Sarhento. Kinakabahan talaga siya, kaya naman ng simulan niyang ihakbang ang mga paa ay tila nahirapan siya dahil parang napakabigat ng mga ito.

Lakas-loob na pumasok si Yash sa loob ng hotel at tinanong sa reception ang unit na ibinigay sa kanya ni Sarhento. Kaagad namang itinuro ng empleyado ng hotel ang direksyon.

Nanginginig ang kamay na kumatok ng tatlong beses si Yash sa pinto. Bumukas ang pinto at sumalubong sa kanya ang nakangiting mukha ni Sarhento.

“Pasok ka, Yashveer.” Nakangiting sabi nito, isang alanganing ngiti ang lumitaw sa mga labi ni Yash. Napipilitan na pumas