Kabanata 185

“I now pronounce you husband and wife. You may kiss your Wife.”

Pagkatapos itong i-announced ng pari na nagkasal sa amin ay iginiya ako ni Sir Timothy paharap sa kanya. Nawindang ako sa paglapat ng kanyang mga labi sa aking mga labi. Ito ang unang pagkakataon na nahalikan ako sa labi ng isang lalaki. Pakiramdam ko ay nagmanhid yata ang mga labi ko na parang nangangapal ito.

Kusang pumikit ang aking mga mata dahil sa kakaibang damdamin na lumukôb sa aking pagkatao. Medyo matagal din ang halik at akala ko ay wala na siyang balak na tigilan ito. Nagulat pa ako ng pagkatapos niya itong halikan ay dinampian pa niya ito ng isang pahapyaw na halik bago ngumiti. Kaya naman pakiramdam ko ay nanigas ang aking katawan, at halos mabingi ako sa lakas ng kabog ng dibdib ko.

Paano ba humantong ang lahat, na mula sa pagliligtas sa akin ng aking boss ay nauwi sa isang simpleng kasalan?

Flashback….

“Bakit hindi ka nagsabi sa akin, Yash? Kaya kong alisin ang ina mo sa kulungan. Kung hindi pa ako dumat