Kabanata 192

“Huh…”

“My God, Yash, kulang na lang ay lumipad na ako sa walang tigil na pagbubugâ mo ng hangin.

Akala ko ba may nangyari na sa inyo? Eh, sa timplada ng mukha mo, parang pasan mo ang mundo!?” Naiimbyerna na tanong sa akin ni Chin habang nakatingin ito sa mukha ko mula sa malaking salamin na nasa harapan namin.

Kasalukuyan kaming nandito ngayon sa parlor para sa makeover na nais ko sa aking sarili. Syempre kasama ang bestfriend ko.

Kailangan kasi na maganda ako sa paningin ng asawa ko para tuluyan ko ng makuha ang atensyon nito. Pero ang malaking problema ko ay pagkatapos ng nangyari sa amin ay mukhang iniiwasan na ako ng magaling na lalaking ‘yun.

“O-Oo, pero bigla na lang siyang hindi nagparamdam sa akin, ilang araw na kaming hindi nagkikita. Baka sa ibang bahay niya tumuloy ang lalaking ‘yun.” Nakasimangot ang mukha ko habang malungkot na nakatingin sa salamin.

Nagtaka ako ng biglang tumawa si Chin na parang akala mo ay kinikiliti.

“Nagsesentiment ako dito tapos tatawanan mo