Kabanata 191

Halos mabingǐ si Timothy sa malakas na kabôg ng kanyang dibdib habang hawak ang serradura ng pinto nang silid nilang mag-asawa. Maingat na pinihit ito at tila takot na takot siyang gumawa ng anumang kaluskos.

Nakakatawa mang isipin ang laki niyang tao pero takot na takot siya sa isang babae lamang, at iyon ay ang kanyang asawa. Marahil, para sa iba ay isa lamang ordinaryong babae si Yashveer pero ang babaeng ito ang gumulo sa nananahimik niyang mundo.

Makapigil hininga ang bawat sandali para sa kanya, habang dahan-dahang itinutulak ng isa niyang kamay ang dahon ng pinto.

“Huh…” saka lang siya nakahinga ng makita na mahimbing na natutulog ang asawa sa gitna ng kama. Para itong si sleeping beauty habang yakap ang malaki nitong unan.

Sinadya niya na umuwi ng alas dose ng gabi para pagdating niya ay tulog na ang makulit niyang asawa. Maingat na isinara ang pinto bago maingat din ang kanyang mga hakbang patungo sa sariling silid.

Kahit papaano ay masaya siya sa babaeng pinakasalan, dah