Kabanata 183

“Nay, bakit mo ginawa ‘yun? Paano kung naka-patay ka?” Galit kong tanong sa aking ina, halos pabulong lang ang pagsasalita ko dahil maraming tao sa paligid. Dinalaw ko ngayon ang aking ina dito sa loob ng kulungan. Ayon sa kapitbahay namin na nakausap ko ay pwede ko naman siyang piyansahan para makalabas. Ang problema lang, wala ako ni singkong duling dito sa bulsa ko.

Ultimong kinain namin ni Otep kaninang umaga ay inutang ko pa sa tindihan. Matinding pakiusapan pa nga ang nangyari bago ako pinagbigyan ni aling Rosing dahil ang pangpara ko ay ang aking trabaho na wala naman na akong sasahurin. Bukod kasi sa bumale na ako ay nakalaan na ito pambayad ng utang. Huh, talagang nabubuhay na lang ako sa utang…

“Dapat nga tinuluyan ko ang babaeng ‘yun! Ang kapal ng mukha nila para tumira sa bahay!?”

“Nay, ano ba? Lalo mo lang ipapahamak ang sarili mo. Maaaring hindi ka na makalabas dito.”

Paalala ko pa sa kanya dahil kulang na lang ay ipagmalaki pa nito ang kanyang ginawa. Marahil,