Chapter 15: Is It A Good Thing Or A Bad Thing?

AMARRA's POV

Habang sumusubo ng pagkain ay hindi ko mapigilan ang sarili ko napagmasdan si Kallen. Kagaya pa rin siya ng dati. Hindi pihikan at lahat ng niluluto ko ay kaya niyang sikmurain. Sa totoo lang, hindi ko naman natutunan kung paano ang magluto ng masasarap na pagkain. Though I'm a foodie, mas gusto kong kainin ang niluto ng iba kesa i-improve ang pagluluto ko.

Masyado akong abala noon na i-improve ang sarili ko. Noong malaman ko na ampon lang ako, palagi ko ng pinagbubuti ang pag-aaral ko. Hinahati ko ang oras ko sa paglilinis ng bahay at paggawa ng mga assignments ko. Noong tumatakas kami ni Kallen mula sa kamay ng manyakis na negosyante, mas pinahalagahan ko ang buhay ko. Hindi bale ng hindi ako marunong magluto ng masasarap at iba't-ibang pagkain, ang mahalaga ay humihinga ako.

Noong kuhanin na si Kallen ng kanyang lolo, mag-isa na lang akong nakikibaka sa lansangan noon. Dahil talaga namang angat kesa sa iba ang ganda ko, ang daming mga human traffickers ang gustong kumi