Chapter 18: Promises

AMARRA's POV

Nagyuko ng kanyang ulo si Blair. Hindi ko rin naman siya pinilit na magsalita.

Makalipas ang ilang minutong katahimikan, narinig ko siyang huminga ng malalim.

"Mula noong mawala ka, wala ng ibang kumakausap sa akin. Palagi kong pinupuntahan si Krystal noon para kamustahin ka pero iniirapan niya lang ako. Palagi niyang sinasabi na lumayas ka daw. Nakipagtanan ka daw. Minsan naman sinasabi niya na patay ka na daw. Hindi ko napigilan ang sarili ko, sinampal ko siya ng maraming beses. Muntik na akong ma-expelled. But I asked my parents to interfere. Iyon ang unang pagkakataon na nakiusap ako sa kanila,"

Huminto sa kanyang pagsasalita si Blair. Dama ko ang sakit at sama ng loob sa tinig niya.

"Noong mag-aral ako ng kolehiyo, nakilala ko si Benjie. Nagkapalagayan kami ng loob hanggang sa maging magkasintahan. Education ang kinuha niyang kurso habang Financial Management naman ang kinuha ko. Noong matanggap siya dito, nag-apply naman ako bilang senior high school teacher. Nag