Chapter 25: Finding Someone

AMARRA's POV

Mag-aalas otso na nang umaga noong lumabas ako sa ALC. Iginala ko ang aking paningin pero hindi ko na nakita doon ang dalawang babae na nakita ko kanina. Tinawagan ko sa telepono si Mang Rudy at wala pang limang minuto ay nakaparada na siya sa may tapat ko.

"Mang Rudy, natatandaan niyo pa ba ang Salon na pinuntahan natin noong unang beses akong sumakay sa inyo?"

Mula sa rear view mirror ay tiningnan ako ng may edad na lalaki.

"Opo Ma'am. Medyo matagal nga lang po tayong magbibyahe dahil malapit na sa airport 'yun,"

"Okay lang. Wala naman na akong lakad,"

Wala akong kilalang make up artist o stylist. Base sa nakita kong ginawa sa akin noon ng baklang si Marimar, may talent siya. Kung willing itong mapasama sa team ko, willing din ako na papag-aralin siya para mas lumawak pa ang kanyang kaalaman.

Noong makalayo na si Mang Rudy sa lugar na pinanggalingan namin ay nagbukas ako ng phone at nagbasa ng mga trending topics sa Pilipinas. Hinanap ko ang pangalan ni Direk Atash