Chapter 78: Shattered Heart

“YOU DON'T NEED to do this, Sigmud,” sambit ni Cathy habang naglalakad silang dalawa ni Sigmud patungo sa opisina niya.

Dala-dala ni Sigmud ang bag niya ng sandaling iyon pero hindi iyon ang tinutukoy niya. Ang tinutukoy niya ay ang paghatid nito sa kaniya rito sa ospital at nagbilin pa ito na ito na rin ang kakaon sa kaniya mamaya.

Ilang araw na rin ang makalipas nang mabugbog ito at maayos na ang kalagayan nito kaya nakakagalaw na ito—ito nga, hinatid pa siya.

Hindi naman sa tutol si Cathy sa kabutihan ni Sigmud, ayaw lang niyang ipamukha sa mga mata ng tao na mahaba ang buntot niya.

“I need to protect you, Cathy. Please, stop saying that,” tugon ni Sigmud sa kaniya kapagkuwan.

Nang makapasok sila sa opisina, dumiretso si Cathy sa kaniyang desk. Sumunod naman si Sigmud at ipinatong ang bag niya sa lamesa.

“I don't need protection,” nakangiting wika ni Cathy.

Umiling si Sigmud. “I don't think so, Cathy. Miriam is still here, she's dangerous. Baka saktan ka niya kaya poprotektahan k