Chapter 75: Pagmamakaawa

DALA ANG SUSHI, bumaba si Cathy sa kaniyang sasakyan at naglakad papasok sa Montgomery Medical Center. Binabaybay na niya ang daan patungo sa private room ni Parker nang biglang may tumawag sa pangalan niya mula sa likuran. Bumakas ang pagtataka sa mukha ni Cathy at hinarap ito. It's Miriam.

“Kung gusto mong makipag-away, not this time, Miriam. Wala akong panahon para makipagtalo sa iy—”

“Hindi iyan ang ipinunta ko rito, Cathy,” mahinahong saad nito habang kalmado ang tingin nito sa kaniya kapagkuwan ay bigla na lang itong lumuhod. “Nagmamakaawa ako, Cathy, hayaan mong makita ko si Parker. Gusto ko siyang makita at mayakap. I know I'm not his real mother, but I consider him my child—not biologically, but in my heart...” pagmamakaawa nito bago tuluyang dumausdos sa mga mata nito ang luha.

Pero hindi man lang nakaramdam ng awa si Cathy ng sandaling iyon habang pinagmamasdan ang dati niyang kaibigan na ngayo'y nakaluhod sa harap niya habang nagmamakaawa. Mas lalo lang siyang nagalit dito