Chapter 36: Forbidden Kiss

PHOENIX WAS RIGHT.

Pagkabalik na pagkabalik ni Cathy sa kaniyang sasakyan ay nakita niyang flat ang mga gulong noon. Napamura si Cathy ng sandaling iyon kapagkuwan ay tinawagan ang Kuya Carlos niya para humingi ng tulong.

“May mga reserba akong gulong sa shop kaso sarado na iyon. Susunduin na lang kita tapos bukas ko na iyan aayusin.”

“Sige, Kuya Carlos. Hihintayin kita.”

“Huwag kang aalis diyan, paalis na ako.”

Tumango si Cathy at pinatay na ang tawag. Subalit pagkapatay na pagkapatay niya ng linya ay biglang bumuhos ang napakalakas na ulan at sinabayan pa iyon nang pagkulog at pagkidlat.

Binuksan niya ang kaniyang sasakyan pero laking gulat na lang niya nang hindi iyon magbukas. Kinapkap niya ang susi niya sa kaniyang bulsa at hinanap din niya iyon sa kaniyang bag subalit hindi niya iyon nakita. Nang silipin ni Cathy ang loob ng kotse—napasinghap siya nang makita sa upuan ang susi.

Muling napamura si Cathy at dali-daling tumakbo upang maghanap nang masisilungan ngunit nang paliban