PART 127 - HAUNTED HOUSE?

“Late na rin pala,” sulyap ko sa relo kong suot. Kanya-kanya nang halukipkipan ang mga kasama rito sa tinatambayan namin kina Seiji.

Boring. Whoof! Ihip ko sa maliliit na bangs na lumugay sa noo ko.

Hindi naman ito party sa pagtataya ko, kasi ang alam kong party masaya at maingay. Itong birthday party ni Seiji parang sleepover ang kinatuluyan. Marami ngang alak, pero dahil sa hindi naman ganoon kalalakas uminom ang mga kaharap ko at pagod din sa maghapong duty namin sa eskwelahan, heto na sila ngayon, mga tulog na. Aside from Miss Nori na nakapikit at pabulol na kanta nang kanta nang mahina sa inuupuan nyang swing kipkip ang kanyang tiyan.

“Miss Nori, h’wag ka kasing maupo d’yan. Gumagalaw ang swing eh,” sabi ko sa kanya pero hindi sya kumilos sa pagkakasandal nya sa lubid na swing. Pinakikiramdam ko syang maigi, kasi tatlong beses na syang sumuka, sa dami na ng sinuka nya parang pati inalmusal nya kaninang umaga bago sya pumasok ay inilabas na nya.

“Dai, uwi na ‘ko,” mahinang sab