PART 16 - ANG NAGBABALIK

Iniwan ako ni bakla nang dumating na ang food na in-order namin kaya hindi na rin ako nagtagal sa paggiling-giling ko sa gitna ng dance floor, naglakad na ako pabalik sa table namin.

“Hi miss! Ang galing mo naman sumayaw,” ngiting-ngiting sinalubong ako ng bagets na nakasayaw ko kanina, hinapit nya ako agad sa bewang.

Napatitig ako sa kanya, sa tantiya ko siguro nasa edad disi palang ‘to kahit matangkad.

“Hello!” nginitian ko rin sya, pero bahagya kong iniwas ang katawan ko. Ang mga kabataan ngayon talaga, oo. Masyadong presko lalo na kapag nakakainom. Akala mo naman may iuubra.

“Sa’n ka nakaupo, miss? Pwede bang maki-join?”

Sasagutin ko na sana ang tanong nya nang may bigla namang humaklit sa kaliwang braso ko.

“Marc!”

Ang gulat ko talaga nang makita ko ang mukha nya. Nawala na sa isip ko ang tungkol sa siraulong ex ko na ‘to.

“Bakit hindi mo sinasagot ang tawag ko?! ‘Di ba sabi ko sa ‘yo mag-uusap tayo, magpapaliwanag ako!” nakikipaglaban ang boses nya sa lakas ng tugtog ng disc