PART 119 - PANANDALIANG KALAYAAN

Pinihit ko pakaliwa ang door knob pero matigas ito. Pinihit ko sa kanan, pero gano’n din, kaya napamura ulit ako.

“Tangina, naka-lock pa yata!” naiinis na sambit ko.

“Teka, ako nga. Naiinis ka agad eh,” pakli ni Miss Nori tapos sya naman ang nagpihit-pihit ng door knob, nakumbinsi sya kaagad nang hindi rin nya nagalaw ang seradura. “Oo nga, naka-lock. Baka hindi rito ang CR, teka.” Binunot nya ang kanyang cellphone sa dala nyang purse at binuksan ang flashlight nito pagkatapos ay inilawan ang mga katabing pinto na pare-pareho lang ang mga itsura.

Wala sa loob kong pinipihit-pihit ang seradura ng pinto habang tinitingnan ko rin ang kanyang iniilawan nang biglang bumukas ang pinto sa likuran ko.

“Ay depotang kalabaw!” halos umangat ako sa sahig sa sobrang gulat.

“Master! Ay, sir!” gulat rin na sambit ni Miss Nori.

“Nasa’n ba kasi ang kalabaw na ‘yan?” natatawang tanong ni Seiji habang itinataas ang manggas ng suot nyang long-sleeve pakalahati sa kanyang braso. Marahil nagulat