PART 121 - TAMANG YABANG

Nahulaan ko na agad sa mga itsura nila na kami ang tampok ng kanilang tsismisan at tawanan bago kami dumating.

“Nag-CR lang, magka-holding hands na agad-agad?” komento ng isa naming ka-guro na si Sir Jonel na medyo may pagkasilahis pero tatlo na ang anak nang makaupo kami sa dining table.

“Inalalayan ko lang sya sa hagdan,” natatawang dumipensa si Seiji. “How’s the wine? Masarap ba?” pag-iiba nya habang sinasalinan ng babaeng Kastilain ang kanyang wine glass.

“Oo, Sir, masarap gaya ng tinginan ninyong dalawa. Matamis na matamis,” sagot ni Miss Nori na tipong kinikilig-kilig pa, umugong na naman ang tawanan nilang lahat.

Nakitawa rin sya sa biro na iyon ng baliw kong kaibigan sabay napasulyap sa akin na ikinalakas lalo ng tawanan nila. Kunwang inalihan naman ako ng hiya, tumungo ako at inayos ang pagkakapakat ng salamin ko sa mata.

“Simmer down, baka naiinis na si Miss Kataleia at si Mr. Mendoza sa biruan ninyo,” saway ni Rector na katapat ko lang sa mahabang lamesa, pigil-pigil ang k