PART 23 - DECLARATION OF DEFEAT

Napakaganda ng grand entrance ko! Lahat ng tao roon sa akin nakatingin! Hula ko hindi pa sila nakakapag-umpisa at ako na lang ang hinihintay.

Napapangiwi ako sa sobrang hiya, nagtungo na lang ako ng tingin. Sinalubong ako ni Mama sa entrance ng garden. Hindi ako nakailag nang pa-simpleng kurutin ako ni Mama sa hita.

“Ma, sorry po, masama po kasi ang pakiramdam ko,” anas ko sa matalim nyang tingin sa akin.

“This way, miss,” sambit ng babaeng sa hula ko ay wedding coordinator. Iginigiya na nya ako agad sa pupuwestuhan ko sa entourage.

“Bakit? Ano ba’ng nangyari sa ‘yo?” Napansin nyang medyo namumutla ako. Dinampian nya ng kamay ang aking noo. “May sinat ka ah!”

Lumapit din si Tito Miguel at Ate Olivia sa amin para batiin ang kagandahan kong bahagyang nalalaos sa pagpapawis at pagkahilo.

“Okay lang po, ‘Ma. Sinat na lang,” pilit ang ngiti ko sa kanya, medyo nanginginig pa ang kalamnan ko. Nagtatakbo rin kasi ako papasok sa loob ng events place pagbaba ko ng taxi.

“Oo nga