REQUEST

CHAPTER 104

“Gustuhin ko man hindi pwede. Kailangan ko ang tiwala sa akin ng pasyente ko. Sana maintindihan mo na nasa kanya ako nang mga panahong iyon. Sa kanya ako dapat sumunod Khaye. Hiling kasi niyang hindi mo na dapat pang malaman ang kondisyon niya dahil nga pursigido siyang magpagaling. Gagaling daw siya. Tiwala at buo ang pag-asa niyang magagamot siya at muli niyang maipagpapatuloy ang pangarap ninyong dalawa. Umaasa siya na dahil sa pagmamahal mo magiging maayos din ang lahat. Ayaw niya kasing mag-isip ka ng iba kundi ang pag-aaral mo lang dahil alam niya kung gaano iyon kahalaga sa iyo. Ayaw niyang mag-alala ka sa kanyang kalagayan. Gusto niyang mapanatili mo ang iyong konsentrasyon sa iyong pangarap.”

“Baka naman pwede pa. Baka naman gagaling pa siya. Sana magkaroon ng himala. Di ba may mga pagkakataon na naghihimala pa rin naman ang Diyos?”

“Oo at ipagdasal natin. Sana may himala para sa kanya.”

“Dok, hindi ko alam ang gagawin ko kung tuluyan na siyang mawala sa akin.”

“