PAIN

CHAPTER 103

“Hanggang sa siya na mismo ang nag-ayos sa kaso ng Nanang mo para may magawa pa rin siya para sa’yo sa kabila ng tuluyan mong pagtalikod sa kanya. Kahit sa mga panahong binitiwan mo siya, nanatili ang pagmamahal niya sa’yo at gusto niyang lahat ng kaniyang gagawin ay para lang sa’yo. Iyon ang tangi niyang inatupag dahil alam niyang kapag makalaya ang Nanang mo at muli kaming magkasama ay iyon ang magiging susi para makinig ka sa akin. Sabi niya sa akin na hayaan kong gawin niya ang lahat ng sa tingin niya ay makapagpapasaya sa’yo. Ginawa niya ang pagtulong sa Nanang mo hindi lang raw naman para sa’yo kundi para na rin sa akin, sa Nanang mo at higit sa lahat ay sa iyo. May mga gabing nakikita ko siyang umiiyak. Napakalakas ng kaniyang iyak. Ilang gabi ring isinisigaw niya ang pangalan mo lalo na kapag naglalasing dahil siguro hindi na niya nakakayanan pa ang sakit ng inyong pagkakalayo. Sabik na sabik siya sa’yo anak. Nasaktan siya ng sobra sa pagkawala mo lalo pa’t hindi