FULFILLED

Nakaligo na ako pagbaba ko.

Halos sabay-sabay silang sumigaw ng Congratulations pagbaba ko sa hagdanan. Kinukunan ni Jake ang lahat. Masayang-masaya si Nanang. Hindi ganoon ang saya niya noong nabuntis ako ni Jinx. Ngayon, nakita ko yung kampante siya at masaya para sa amin ni Jake. Lumapit din si Daddy at niyakap niya ako ng mahigpit. Napapaluha na naman dahil alam niya at sigurado niyang may mini-Jake na bubuo muli sa aming buhay.

Pagkaraan ng kasiyahan ay kinausap ako ni Doctor Jenny.

“Bilib ako sa galing mong doktora, Khaye.”

“Hindi pa naman ako doktora dok.”

“Pero ikaw na ang nagre-reseta at bumibili sa gamot niya, ikaw ang nag-aalaga sa kanya. Happy ako kasi itong buwan na ito ang taning na ibinigay ng mga US Doctors sa kanya pero tignan mo, malusog, malakas at parang wala na siyang nararamdaman maliban na lang sa pasumpong-sumpong na pagsakit ng kanyang ulo.”

“Sana nga Dok, magtuluy-tuloy na. Sana meron nga po talagang himala ang Diyos sa kanya.”

“Sana nga lalo na ngayon alam