SHOCK

Chapter 113

Dahil kami lahat ay abala sa pagtutulungan sa pagbubukas na rin sa susunod na buwan sa aming Mall ay tumira na kami sa Tuguegarao. May bahay na napatayo si Daddy doon dahil gusto ni Nanang na doon daw kami tumira. Sa Tugueagarao na muna kaming tumira lahat sa bahay na regalo ni Daddy kay Nanang sa isang burol sa Carig kung saan tanaw ang buong Tuguegarao. May kalakihan rin naman ito. May pool, may garden at may maluwang na farm. Iyon ang gusto ni Nanang na buhay. Hindi ang buhay sa syudad. Lahat ng gusto ni Nanang ibinibigay naman ni Daddy. Isa pa, gusto rin kasi ni Jake ang preskong hangin doon. Gusto niyang nakikita ang paglubog at pagsikat ng araw. Ang mamingwit ng isda sa aming palaisdaan. Ang mamitas ng bunga ng mga prutas at gulay. Isang simpleng buhay na malayo sa kanyang kinalakhan. Nasabi ko na rin kay Daddy at Nanang sa balak kong pagpapakasal kay Jake. Bago sana tuluyang lumobo ang tiyan ko at habang kaya pa niya ay magpapakasal na kami. Masaya namang sumang-ay