Chapter 223

Tahimik na nakaupo si Alejandro sa dulo ng kama habang pinapakinggan ang pagtatalo nina Sophia at Lander mula sa labas.

Gusto na siyang tuluyan ni Lander dahil alam nitong hindi niya bibigyan ng pagkakataon si Sophia, ngunit ayaw naman ng babae.

Hinayaan niya lamang ang dalawang kriminal na isiping magagawa nila ang lahat ng gusto ng mga ito, habang tahimik na naghihintay sa pagresponde ng mga tauhan niya at nang mga pulis.

Mahigit tatlong oras na nang pindutin niya ang button upang ipaalam kay Luke na kailangan na nitong maghanda. Kung tama ang kalkulasyon niya ay darating ang tulong anumang oras.

"Patayin natin si Klaire! Kapag nawala siya ay mawawalan na rin ako ng karibal!" rinig niyang suhestiyon ni Sophia sa tarantado nitong kuya-kuyahan. "Once she's gone, Alejandro's attention will be focused on me. Hindi na niya ako tatanggihan!"

"For the nineth time, are you hearing yourself, Sophia? Hindi ka mamamahalin ng lalaking 'yan kahit pulbusin pa natin ang buong pamilya ni Klaire