Chapter 66

Gabi na 'ko nakauwi at sakto namang naabutan kong kumakain ng hapunan sina Mama. Hindi naman ako lasing dahil kaunti lang ang nainom kong alak. Hindi rin naman ako gutom pero natakam ako sa ulam nilang ginisang sayote.

"Mano po, Ma," bungad ko sabay mano kay Mama. Naupo na muna ako saglit sa upuan ko sa may tapat ni Januarius.

"Kumusta naman ang lakad mo?" tanong ni Mama.

"Okay naman po, napagaan din naman po nila ang pakiramdam ko kahit papaano," tugon ko.

"Mabuti naman kung gano'n. Kung nagugutom ka, puwede ka namang kumain muna saglit. Pagkatapos, huwag mong kalilimutang mag-toothbrush. Puwede ka rin namang magkape para magisawan ka," saad ni Mama.

Alam kong naamoy ni Mama na medyo amoy akong chico kaya niya 'yon sinabi. Nakaka-tats naman si Mama, hindi niya na ako pinapagalitan kahit alam niyang uminom kami sa dorm ng mga kasama ko. Mas mainam nga talaga na napag-usapan namin ang patungkol dito noon kaya hindi ko na siya pinoproblema.

"Tubig na lang ang iinumin ko mamaya, Ma. Hind