Chapter 67

Nakarating kami sa lugar na medyo liblib pero masasabi mong tahimik talaga. Dinala niya ako sa isang kainan na nakaka-relax ang ambiance dahil mala-nature ang theme nito. Plantita o plantito siguro ang may-ari dahil sobrang dami ng halaman sa paligid. Mapapa-picture ka talaga rito para sa IG.

Pagkapasok namin sa loob, hindi naman gano'n karami ang tao. Mamaya pa siguro dadagsa ang mga tao rito kapag pahapon na. Naka-aircon naman 'yung loob at kanina bago kami pumasok ay nakita kong mayroon silang balcony sa itaas. Tiyak na ang presko roon kapag pagabi na. Sa may labas kanina ay mayroong mga ilaw, ang ganda tiyak ng kutitap no'n kapag bumukas na.

"Order ka muna kung ano ang gusto mo. Huwag kang mag-alala, ako ang magbabayad," saad ni Yatco.

"Nahiya tuloy ako sa 'yo nang slight," tugon ko.

Pagkarating ko sa may counter, tumingin na muna ako ng papatok sa aking panlasa. Hindi ko feel mag-rice ngayon kaya carbonara with garlic bread na lang ang pinili ko at saka green tea espresso. Si Ya