Chapter 69

"Ma, nag-de-date na po kami ni Arthur," bungad ko.

Biglang umaliwalas ang mukha ni Mama nang sabihin ko 'yon. "Aba, magandang balita 'yan. Sabi ko nga sa 'yo, mas gusto ko siya kaysa sa dati mong boyfriend," saad ni Mama.

"Pero fake lang po 'yung pag-de-date namin," dagdag ko pa.

Napakunot bigla ng noo si Mama na wari mo'y hindi niya maintindihan ang aking sinabi. "Ha? Bakit ang gulo? Paanong peke?" nagugulumihanan niyang tanong.

"Ma, nakipag-deal po ako sa kaniya na gagawin namin 'yon para pagselosin si Amos," nakayuko kong sambit. Tahimik lang si Mama nang sabihin ko 'yon. Bahagya kong itinaas ang aking tingin at diretso lang siyang nakatitig sa 'kin.

"Sorry, Ma. Gusto ko lang namang mabawi ulit si Amos. Gusto kong magkabalikan kami. Mahal ko pa po siya, e," turan ko.

"Naiintindihan naman kita, anak. Natural lang 'yan dahil umiibig ka. Ang mali lang, gagamitin mo 'yung feelings ng ibang tao para makuha ang gusto mo. Kay Arthur ako naaawa, e. Ang bait pa naman ng batang 'yon," sambi