Chapter 71

Habang nasa biyahe kami at binabagtas ang daan patungo sa 'min, pahikbi-hikbi lang ako habang nakadungaw sa may bintana. Hindi pa rin mawala sa isip ko ang kumalap na tsismis sa silid namin. May mga dagdag-bawas sa kuwento ngunit hindi ko ito maiwasto. Mas pinili kong manahimik kaysa ipaalam sa kanila ang side ko.

"Kaya mo pa ba?" concern na tanong ni Yatco.

Ibinaling ko ang tingin ko sa kaniya at nagpakawala ako ng isang pekeng ngiti at tumango-tango pa 'ko. Kinakaya ko pa naman pero hindi ko alam kung hanggang kailan ko kakayanin.

"Handa naman akong makinig sa kuwento mo. Kung hindi mo naman nais i-share, okay lang din naman," malumanay niyang sambit.

"Wala na, friendship over na talaga kami nina Osang at Gela," turan ko.

"Ako ba ang dahilan no'n?" tanong niya.

"Hindi mo naman kasalanan 'yon, kasalanan ko 'yon. Sabi ni Gela sa 'kin kanina, makikipagbati na sana sa 'kin si Osang pero nang pumutok ang issue patungkol sa 'tin at kinumpirma mo 'yon sa my day mo, 'yung pag-asang maibalik