Chapter 72

Pagkababa ko ng hagdan, muntik na akong mapaigtad sa gulat nang mamataan ko si Arthur na nakaupo sa may sofa ng sala at kausap si Mama. Nawala ang antok ko nang dahil do'n. Ano na naman ang pumasok sa isipan niya at naisipan niyang sunduin ako nang ganito kaaga?

"Oh, nandito na po pala ang prinsesa ko," sambit ni Arthur nang makita niya ako akong nakatayo sa may hagdan.

Syaks talaga! Gulo-gulo pa ang buhok ko, hindi pa ako naghihilamos, at higit sa lahat, wala pa rin akong mumog. Nakakahiya naman sa kaniya na ganito ang itsura ko que aga-aga. Pero kung sabagay, wala namang maganda agad pagkagising pa lang.

"Prinsesa your face. Ang aga mo namang mambwisit dito sa bahay? Wala naman tayong napag-usapan na susunduin mo 'ko," bungad ko habang unti-unting binabagtas ang daan pababa.

"Hindi naman na kailangan pang ipaalam ang gano'ng bagay. Bilang masugid mong manliligaw, kailangan ko s'yempre na magpakitang gilas hindi lang sa 'yo kundi pati na rin kay Tita," nakangisi niyang samabit habang