Chapter 80

Monday na naman, may exam kami mamaya sa chemistry. Kailangan kong mag-refresh mamaaya sa may jeep habang nasa biyahe o 'di kaya sa may room na lang. Mabuti na lang at maaga akong papasok ngayon.

Pagkarating ko sa may sakayan ng jeep, hindi pa naman mahaba ang pila kaya hindi naman ako nainip sa kaantay. Nagsimula ng magsakay 'yung jeep kaya sumakay na 'ko. Sa bandang gitna ako ulit naupo. Nakakatamad at wala naman akong ibang gagawin kaya kinuha ko na lang 'yung reviewer ko at nag-review ako ulit habang nasa biyahe.

Pagkarating sa school, isinalaksak ko na 'yung reviewer ko sa loob ng aking bag. Sa kalagitnaan ng aking paglalakad papasok sa may gate, bungad sa 'kin si Klarisse at ang dalawa niyang alipores.

"Juness..." sambit niya habang nakahalukipkip. Napahinto naman ako nang dahil doon.

"Oh, Klarisse... ano na naman ang kailangan mo sa 'kin?" saad ko.

"Nagkakausap ba kayo ulit ni Amos?" seryoso niyang tanong.

"Hindi, tahimik na ang buhay ko sa piling ni Arthur," giit ko.

"Kung hi