Chapter 88

Alas dos pasado nang dumating si Yatco sa bahay. Hindi ko nga namalayan na nand'yan na siya. Hindi rin naman siya bumusina sa labas nang dumating siya. Tamang hilata pa naman ang ginagawa ko sa may sala nang pumasok siya sa loob ng bahay namin.

"Mahal, ang aga mo naman," sambit ko. Napabalikwas talaga ako sa aking kinahihigaan nang makita kong pumasok siya.

"Sabi mo kasi ipaalam kita kay Tita kaya inagahan ko na ang pagpunta," turan niya.

"Ayan, dapat nag-text ka man lang. Nakapambahay pa man din ako. Maupa ka na muna sa may sofa at magbibihis lang ako saglit," wika ko.

Ngingisi-ngisi lang siyang naupo sa may sofa. Ako naman, nagkukumahog akong tumungo sa aking silid para magbihis. Nagkalkal ako sa damitan ko para maghanap nang magandang maisusuot. Hindi naman kailangang bongga, basta presentable ay okay na.

Una kong namataan 'yung shorts ko na kulay puti. Hindi naman 'to maikli kaya puwede ko 'tong suotin. Itinabi ko na muna 'yon at naghanap ako ng babagay roon. Sunod kong nakita 'y