Chapter 86

Maagang namalengke si Mama kasama si Ate kanina. Mamaya kasing tanghali ay dito kakain si Yatco, baka abutin pa hanggang hapunan kapag nagkataon. Excited si Mama, akala mo naman mayroon talagang okasyon. Magka-chat na kami ni Yatco pagkagising namin. Maski siya ay hindi makapaghintay, kulang na lang yata ay isama niya ang magulang niya mamaya.

Pagkabangon ko at bumaba na ako agad. Sinuri ko kung malinis ba ang sahig at 'yon, mayroon pang kaunting alikabok kaya minabuti ko na munang magwalis-walis. Nakakahiya naman sa bisita naman kung dadatnan niyang gano'n ang bahay namin. Pagkatapos no'n ay pumunta na ako sa kusina. May pagkain naman na sa lamesa, pritong hotdog. Kumuha lang ako ng ketchup at kumain na rin ako.

Pagka-check ko ng oras, 8am na. Hinugasan ko na rin ang pinagkainan ko. Mayamaya lang ay bumaba na rin si Januarius at kumain. Hindi ko na nahintay 'yung pinagkainan niya dahil tapos na akong maghugas habang siya'y kumakain pa.

"Januarius, pagkakain mo, hugasan mo na 'yang p