Chapter 79

Tanghali na akong gumising since Linggo naman. Pagkababa ko, nagse-cell phone lang 'yung dalawa kong kapatid sa may sofa. Si Ate, ka-chat 'yung jowa niya. Si Januarius naman ay naglalaro lang ng online games.

"Ate, nasaan si Mama?" tanong ko.

"Ah, umalis lang saglit. Nagpa-pedicure lang sa may amiga niya," turan niya.

Napatango na lamang ako matapos 'yon. Mukhang kumain naman na sila kaya tumungo na ako sa may kusina. Pagkarating ko roon, tiningnan ko kung ano ang ulam, nilagang baboy. Ininit ko muna ito sandali at kumuha na ako ng pinggan. Kahit tanghaling tapat, masarap pa ring humihop ng mainit na sabaw.

Pinatay ko na 'yung kalan matapos ang limang minuto. Nagsandok na rin ako ng ulam at s'yempre, dinamihan ko 'yung sabaw. Si Mama naman, dinadagdagan niya 'yung sabaw kapag uulamin namin ulit sa gabi kaya nakakatipid kami sa ulam. Naglagay rin ako ng saging na saba dahil swak na swak talaga 'to sa nilaga.

Habang kumakain ako, nag-open ako ng social media account ko. In-accept na n