Chapter 64

"Paano ko ba siya mababaliw sa pag-ibig? I mean... ako lang 'yung mamahalin niya't wala nang iba?" tanong ko dulot ng kuryosidad.

"Para sa 'kin, nababaliw ang isang lalaki sa pag-ibig kung gagamitan mo 'to ng gayuma. Kaso, mukhang hindi naman totoo 'yon. In short, mahirap baliwin ang isang lalaki," ani Gwen.

"Agree ako riyan, sa dami ng naging boyfriend ko, nag-i-stay lang naman sila kapag naibibigay ko 'yung gusto nilang bagay o gamit. Juice colored, estudyante pa lang naman ako... ang hirap kayang mag-side line sa pag-me-make up para lang maibigay ko ang nais nila. In the end, iiwan din naman ako kapag nakahanap ng bagong tutustos ng pangangailangan nila," saad ni Cheri.

"Ay, wala akong alam d'yan," komento ni Juvi.

"Ako naman, ganda lang. Iyon lang puhunan ko kaya kami pa rin ng boyfriend ko," turan ni Alice.

"Wow, sana all na lang talaga. Pero agree ako kay Alice, kapag maganda ka, malaki ang chance na mag-stay sa 'yo ang isang lalaki," segunda ni Nisha.

"Yes, ganda talaga ang puh