“ANG AGA-AGA, ano’ng problema mo, Miss Secretary?” taas-kilay na tanong ni Bellatrix habang nakahalukipkip pa rin para inisin lalo si Galia at ang mga alipores nito.Tumaas naman ang kilay ni Galia. “Ikaw. Dumating ka lang at inaahas mo na agad si Reven,” aniya na siyang nagpakunot sa noo ni Bellatrix. Bakas sa kaniyang mukha ang pagkalito sa sinabi ni Galia. Hindi niya alam kung paano nasali si Reven sa gulo.“What? You’ll pretend like it’s not true?” mapang-uyam na asik ni Galia at saka siya tumingin sa kaniyang mga kasama. Malakas din ang mga pagkakasabi niya, dahilan para marinig ng ibang dumaraan. “See? Tignan niyo ang babaeng ito na dinala ni Sir Colter dito sa kompanya. Isang ahas. Hindi na makuntento sa pang-aakit kay Sir Colter at sinusunod pa si Sir Reven. You heard that, people?!” malakas na pahayag ni Galia sa gitna na para bang isang politikong nangangampanya para makuha ang tiwala ng masa. Napairap naman sa inis si Bellatrix. Nilibot niya ang tingin sa paligid na mas l
ALAS SINGKO ng hapon ay pauwi na si Bellatrix sa kanilang bahay. Pagod na naglalakad ang dalaga dahil marami itong ginawa sa eskuwelahan. Nagsimula na kasi silang mag-OJT.Pinihit ni Bellatrix ang pinto pabukas sa kanilang bahay. Simple lang ito at gawa sa semento. Ngunit sa halip na magpatuloy sa pagpasok, natigilan siya nang makita ang dalawang lalaki kasama ang kaniyang ina. Napabuga si Bellatrix ng hangin. Agad siyang nag-iwas ng tingin at nagpatuloy sa paglalakad na parang wala siyang nakita. “Anak, mag-meryenda ka oh,” aya ng kaniyang ina na si Annabelle. Tinutukoy nito ang isang gallon ng ice cream at dalawang litro ng soft drinks sa lamesa.“Hindi na,” tipid na sagot ni Bellatrix. Pumasok na siya sa kaniyang silid at padarag na humiga sa kama.Hindi na bago para kay Bellatrix ang ganoong eksena sa tuwing uuwi ang kaniyang ina. Gayunpaman ay naiinis pa rin siya. Lagi kasi silang laman ng tsismis dahil paiba-iba ang lalaking nakakasama ng kaniyang ina sa tuwing uuwi ito.Pumik
NAGKAKASIYAHAN ang mga tao sa loob ng isang malaking bar. Maraming inumin at mga pagkain. Idagdag pa ang mga upbeat songs na pinapatugtog ng DJ na sinasabayan ng mga malilikot na ilaw sa paligid. “Isang whiskey rito, Miss!” tawag ng isang lalaking malaki ang ngisi habang komportableng naka-dekwartro sa kinauupuan.Napabuga ng hininga si Bellatrix dahil doon. Inayos niya ang suot na pulang halter top at mini skirt. Ngumisi siya at tinulak ang cart na may laman ng mga alak.“Isang bote po, Sir?” tanong niya nang makalapit.Umiling naman ang lalaking tumawag sa kaniya at pinaglaruan ng daliri ang labi, “Puwede bang ikaw na lang?” Umani naman iyon ng mga tawanan at asaran sa table nito. Kinagat ni Bellatrix ang kaniyang ibabang labi upang hindi maalis ang kaniyang ngisi, kahit pa gusto niyang sikmuraan ang lalaking iyon. Kanina pa kasi siya pabalik-balik sa lamesa nila, at paulit-ulit din siyang inaasar ng lalaki. Hindi na iyon komportable para sa kaniya.‘Relax lang, Bella. Kapag tina
“SAAN tayo pupunta?” nakangising tanong ni Bellatrix habang hawak siya ng lalaki. Nasa loob sila ng isang condominium building na mukhang mamahalin at eksklusibo.“In my penthouse, so we can have our privacy,” tugon ng lalaki pagkatapos pindutin ang button sa elevator. Bumukas iyon at pumasok na sila. Nang sumara ang pinto ay nakita agad ni Bellatrix ang kanilang repleksyon. Ngumisi siya at hinarap ang katawan sa lalaki.“We’re going to your penthouse but I don’t know yet your name,” aniya, nakapulupot sa braso ng lalaki.Lumingon ang lalaki sa kaniya at agad na bumaba ang mata nito sa dibdib ng dalagang nagngangalang Trixie. “Only a few don’t know my name. It’s fascinating.” Sumabay naman si Bellatrix gamit ang mahinhing tawa. Sa katunayan, nag-background research siya tungkol kay Don Geronimo Marquis. Marami siyang alam mula sa mga anak nitong lalaki at babae. Pero isang malaking palaisipan para sa kaniya kung sino sa mga anak ni Don Geronimo ang lalaking kaharap niya. “So, ano?
MALAMIG ang simoy ng hangin sa balkonahe. Nililipad rin nito ang mahabang kulot na buhok ni Bellatrix. Hindi naman siya nilalamig dahil suot niya ang damit ni Colt. Plain lang itong itim na t-shirt. Malaki ang damit at nagmistulang bestida nang isuot niya. At sa pang-ibaba naman ay iyong boxer shorts din ng binata ang suot niya na tila ordinaryong short nang isuot niya.Bumuga ng usok si Bellatrix. Nagsisigarilyo kasi siya habang nakatingin sa maningning na kalangitan. Alas-kwatro na ng madaling araw. Halos alas-dos na ng madaling araw sila natapos kanina. Pagod na rin kasi siya kaya’t pinagpahinga na siya ni Colt.Nang may marinig na tunog si Bellatrix ay nilingon niya ang likuran upang tignan si Colt. Mahimbing naman itong natutulog sa ilalim ng makapal na kumot. Muling nagbuga ng usok ang dalaga. Tinaktak niya rin ang hawak na sigarilyo upang alisin ang ilang abong naroon. Bumalik siya sa pagtingin sa kalangitan. Tatlumpong minuto na rin siyang nakatayo sa labas habang malalim an
“WHY are you so quiet, Trixie?” Sumulyap si Colt kay Trixie na nakaupo sa shotgun seat habang nagmamaneho naman ito. Hindi niya alam kung bakit naging ganito ito. Nakatitig lamang ito sa kawalan. Hindi niya tuloy napigilang mag-alala. Iniisip niya kung may nagawa ba siyang hindi maganda kanina kaya ganoon na lang ang nangyayari dito.Napakurap naman ang mata ni Bellatrix. Ngayon niya lang napagtantong kanina pa pala siyang wala sa sarili. Iniisip pa rin kasi nito hanggang ngayon ang sinabi ng sekretarya ni Colt kanina. Bumaling si Bellatrix kay Colt na paminsan-minsang lumilingon sa kaniya. Biglang namuo ang galit sa kaniyang puso pagkatapos niyang maalala ang sinapit ng kaniyang ina. Tipid siyang ngumiti at idiniin ang ulo sa headrest. Humikab si Bellatrix. “Ahm. . . Sorry, tinatamaan lang ako ng antok.”“You can sleep for a while, Trixie. I’ll just wake you up later when we’ve reached the company,” ani Colter, tinutukoy ang kompanya kung saan nagtatrabaho si Trixie. Tahimik na
BUMUKAS ang elevator na sinasakyan ni Bellatrix at saka siya lumabas doon. Nasa ground floor siya para sana magtanong ngunit maraming tao ang tumingin sa kaniya na para bang artista ang dating niya. Karamihan sa mga iyon ay nagtatrabaho sa media at narito para makasagap lang ng kung ano’ng tsismis. Aalis na sana si Bellatrix nang bigla siyang harangan ng mga reporters. Nagmistula siyang isang pagkain na biglang nilapitan ng mga langaw.“Miss Bellatrix, ano po ang masasabi mo sa mga kumakalat na larawan niyo ngayon sa social media?” mabilis na tanong ng isang lalaking payat na may salamin. Nakatutok ang mga camera nila sa kaniya at panay ang flash ng ilan. “Teka, teka lang! Sandali!” nakapikit na reklamo ni Bellatrix na halos mabulag na sa mga camera flashes na direktang tumatama sa kaniyang mata. Idagdag pa ang mga sabay-sabay na pagsasalita ng mga reporters sa harapan niya. Hindi niya alam kung kanino titingin o makikinig. Naghahalo na ang lahat sa kaniya. Tinawag ni Bellatrix ang
SA LOOB ng isang eksklusibong gym ay makikita si Bellatrix na seryosong-seryoso sa kaniyang ginagawa. Nasa loob siya ng boxing ring habang nag-e-ensayo siya kasama ang isang kaibigang lalaki. Ito naman ang umaakto bilang tagasalo ng mga suntok ni Bellatrix.“Why are you so grumpy, Bellatrix?” nakangiwing tanong ng lalaking kaibigan ni Bellatrix. Napalakas kasi ang huling suntok ni Bellatrix kaya sumakit ang kamay nito sa impact. “Ha? Kailan? Maayos ako ’no,” sagot naman ni Bellatrix. Ngumuso siya at tumalikod para kunin ang tumbler at face towel nito sa gilid. Inalis niya ang suot na gloves. Nagpunas siya at sumandal sa harang na tinatawag nilang ring. Lumapit sa kaniya ang kaibigan at saka uminom din sa sariling tumbler.“Is there any problem?” tanong nito sa kaniya. Napabuga ng hininga si Bellatrix matapos isara ang tumbler. “Ayos nga lang ako, Yhuno,” tugon niya sa kaibigan. Nakatanaw siya sa mga iba na nasa treadmill habang pinupunasan ang katawan nito. Halata kasi ang kaniyang