CHAPTER 7: JEALOUS

SA LOOB ng isang eksklusibong gym ay makikita si Bellatrix na seryosong-seryoso sa kaniyang ginagawa. Nasa loob siya ng boxing ring habang nag-e-ensayo siya kasama ang isang kaibigang lalaki. Ito naman ang umaakto bilang tagasalo ng mga suntok ni Bellatrix.

“Why are you so grumpy, Bellatrix?” nakangiwing tanong ng lalaking kaibigan ni Bellatrix. Napalakas kasi ang huling suntok ni Bellatrix kaya sumakit ang kamay nito sa impact.

“Ha? Kailan? Maayos ako ’no,” sagot naman ni Bellatrix. Ngumuso siya at tumalikod para kunin ang tumbler at face towel nito sa gilid. Inalis niya ang suot na gloves. Nagpunas siya at sumandal sa harang na tinatawag nilang ring. Lumapit sa kaniya ang kaibigan at saka uminom din sa sariling tumbler.

“Is there any problem?” tanong nito sa kaniya. Napabuga ng hininga si Bellatrix matapos isara ang tumbler.

“Ayos nga lang ako, Yhuno,” tugon niya sa kaibigan. Nakatanaw siya sa mga iba na nasa treadmill habang pinupunasan ang katawan nito. Halata kasi ang kaniyang pawis dahil nakasuot lang ito ng sports bra at shorts.

“Is it because of your cuts on your arms?” pang-uusisa pa ni Yhuno. Tinitignan nito ang braso ni Bellatrix na kung saan ay maraming mga sugat at kalmot dahil sa nangyari kahapon.

Hinarap siya ni Bellatrix at saka binato rito ang kaniyang pinagpunasang towel. Sinalo iyon ni Yhuno para hindi ito tumama sa kaniyang mukha. Pagkatapos ay nag-angat siya ng tingin na may nakakadiring ekspresyon. Natawa lamang si Bellatrix at saka naunang tumalikod para bumaba na.

“That was a dirty move, Bella!” sigaw ni Yhuno saka hinabol si Bellatrix. Dala niya ang kaniyang gamit kasama ang mga towel. Humalakhak lang si Bellatrix kaya nahawa na rin si Yhuno. Pinagtitinginan naman sila ng mga taong nadadaanan nila. Ang mga lalaki ay kay Bellatrix nakatingin, habang ang mga kababaihan ay kay Yhuno.

Si Yhuno kasi ay isang half Chinese. Singkit, maputi, matangkad, at may refreshing charms na hatid ang kaniyang gwapong mukha. Dahil doon ay maraming mga babae ang nabibighani niya sa isang ngiti pa lang.

“Hindi naman mabaho! Maka-react ka naman,” pang-aasar pa ni Bellatrix. Patungo na siya sa locker area ng mga babae ngunit nakasunod pa rin si Yhuno sa kaniya.

“But it was still full of bacteria and germs!” nandidiring pahayag ni Yhuno. Nang makakita ng basurahan ay agad niyang tinapon doon ang pawisang twalya. Habang si Bellatrix naman ay napaawang ang bibig sa nakita. Nang bumalik si Yhuno ay agad niya itong hinampas sa braso nito.

“Sana binigay mo na lang sa akin! Sayang tuloy!” nakasimangot niyang sabi habang nakatingin pa rin sa basurahan.

Ngumiwi naman si Yhuno. “I can just buy you a new pack of it, Bella. In any different colors if you want,” ngising turan ni Yhuno at saka kumindat kay Bellatrix. Suminghal siya at saka tinuro kung saan sila nakatayo.

“Gusto mo bang sundan pa rin ako hanggang dito?” nakangisi niyang sabi, nakaduro sa sign sa taas ng pader na may nakasulat na for women only. Doon lang napansin ni Yhuno kung nasaan sila. Nasa may bukana pa lang naman sila pero pinagtitinginan na si Yhuno. At dahil sa pagiging chinito ay namula ang tainga nito.

“You didn’t even tell me where we are,” kunwaring nagtatampong sabi niya bago tumalikod. Naiiling ding tumalikod si Bellatrix para makapag-shower na. Pagpasok sa isang cubicle ay mabilis siyang naligo roon.

***

Pagkayari ng kalahating oras ay natapos na rin si Bellatrix. Nakapag-bihis na rin siya sa loob. Ang suot niya ngayon ay itim na baggy jeans at puting long sleeve na oversized. Kahit na medyo mainit ay nag-long sleeve pa rin siya para hindi makita ng iba ang mga sugat nito sa braso. Pagkatapos namang mag-blow dry ng buhok ay saka siya naglagay ng makeup sa mukha nito. Light na makeup lang ang nilagay niya dahil nasa labas naman siya. Hindi gaya sa tuwing nasa trabaho siya na laging mga dark makeups ang nasa mukha niya.

Sa huling spray ng pabango ay lumabas na siya sa women’s wash area. Hinanap nito roon sa labas si Yhuno na agad niya namang namataan. Pinapalibutan kasi ito ng mga kababaihan na mukhang interesado sa mga sinasabi niya. Napa-irap si Bellatrix bago ito naglakad palapit sa kanila. Malakas siyang tumikhim kaya naagaw niya ang atensyon ng lahat. Ngumisi siya at tinignan si Yhuno.

“Let’s go, Yhuno,” nakangiting tawag niya rito. Napamaang naman si Yhuno. Humalukipkip si Bellatrix at saka nagtaas ng kilay rito na nagpapahiwatig na isa itong babala. Natauhan si Yhuno at saka tumayo para lapitan si Bellatrix.

“Sorry, girls. We have to go,” nakangising paalam ni Yhuno sa mga babae. Kinilig sila at may ilang tumili pa nang kumaway pa si Yhuno sa kanila bago ito tuluyang magpatianod sa katabing si Bellatrix.

Umiling naman si Bellatrix. “Hilig mo talagang pagpakilig ng babae, Yhuno. Tapos hindi mo lang sila maaalala mamaya,” dimayadong turan niya. Natawa si Yhuno at saka pabirong inakbayan si Bellatrix.

Akmang magsasalitang muli si Yhuno pero napansin nito na ang pagkakatigil ni Bellatrix. Nanlalaki ang mata nito at nakaawang ang mga labi. Nang tignan niya kung sino ang kanilang kaharap ay napangisi siya.

“Colter, dude! You’re here!” aniya nang makilala ito. Nakangisi siya na parang nasisiyahan sa kaharap, ngunit si Bellatrix naman ay parang tinakasan ng dugo. Habang si Colter ay nakatayo lang doon habang matalim ang tingin kay Yhuno.

“Of course I will be here. This is our hotel, if you had forgotten it already,” mariing tugon ni Colter. Nakasuot siya ng plain na itim na t-shirt at itim ding gym shorts. Salungat ito sa puting sleeveless na suot ni Yhuno at denim pants.

Natawa naman si Yhuno at mas hinapit pa si Bellatrix sa kaniyang bisig. Nakita iyon ni Colter kaya mas sumama pa ang timpla ng kaniyang mukha. Napansin naman iyon ni Bellatrix na nanlalamig na sa kaba. Ramdam niyang namawis siya bigla kahit na hindi pa sila nakakaalis sa loob ng air conditioned gym.

“I know that this is your hotel. Of course I won’t forget it. Why would I even forget our enem? Right?” nakangising wika ni Yhuno. Mas lumiit pa ang singkit nitong mata. Dahil gaya nila Colter ay mayroon din silang hotel business na kung saan ay mainit na magkalaban ang kanilang mga hotel sa buong bansa.

Hindi na sumagot pa si Colter bagkus ay bumaba ang tingin nito kay Bellatrix na inaakbayan pa rin ni Yhuno hanggang ngayon. Lalong kumunot ang noo nito habang nakatitig sa nakapulupot na kamay ni Yhuno. Parang may pulang lazer lights ang lumalabas sa kaniyang mata na tumatawa sa mga kamay ni Yhuno.

Mahinang natawa si Bellatrix para mawala ang tensyon. Kahit na kabado siya ay nagawa niya pa ring maging tunog normal ang tawa niya. Magsasalita na sana siya nang maunahan ni Colter.

“Why are you with him?” mariin na tanong ni Colter. Bumuka ang bibig ni Bellatrix para sana magsalita pero walang lumabas doon. Hindi naman niya alam kung paano ipapaliwanag ang lahat kay Colter.

“Why won’t she be with me, Marquis? You don’t know her or at least own her for you to ask that,” nakangisi pa rin si Yhuno. Humarap sa kaniya si Colter na halatang nababanas na ito sa presensya ni Yhuno.

“Did I even asked you? I was talking to Trixie, not you, you idi*t!” marahang wika niya at saka binalingan si Bellatrix na kanina pang pabalik-balik ang tingin sa dalawa. Nang magtama ang kanilang mata ay napataas siya ng kilay.

“Trixie?” natatawang tanong ni Yhuno at saka sinulyapan si Bellatrix. “Bella? Why is he calling you that?” tanong niya rito.

“My work name, remember?” tugon ni Bellatrix. Napahilot siya sa sentido. Hindi niya inaasahang ganito ang mangyayari sa araw na ito. Na makikita niya si Colter dito habang kasama niya si Yhuno.

Napatango naman si Yhuno at saka humalakhak. Napahinga na lang ng malalim si Bellatrix at saka tinignan si Colter na titig na titig sa kaniya. Mabigat ang ginagawad nitong tingin sa kaniya na pakiramdam niya ay pinapalambot nito ang kaniyang tuhod. Umiling siya at hinila na ang kamay ni Yhuno.

“Aalis na kami,” paalam niya kay Colter sa pag-aakalang hahayaan siya nito. Subalit hindi pa man sila nakakahakbang palayo ay nahatak na agad siya ni Colter palapit sa kaniyang dibdib.

Napasinghap sa gulat si Bellatrix nang tumama siya sa matigas katawan ni Colter. Naamoy niya rin ang pabango ni Colter na agad niyang nagustuhan. Bahagya siyang kumalma, pero nang makita ang naiinis na itsura ni Yhuno ay kinabahan na naman siya.

“Well, uh. . .” sambit ni Bellatrix. Sinusubukan niyang magpaliwanag pero hindi niya alam ang sasabihin.

Nilapit pa siya ni Colter sa tabi nito. “Let’s go, Trix. I don’t want to see his face,” aniya at saka hinila ang kamay ni Bellatrix. Wala siyang nagawa kundi sumama kay Colter. Lito pa siya sa nangyayari.

Iniwan nila si Yhuno sa gym at saka sila sumakay sa elevator. Doon lang napagtanto ni Bellatrix ang nangyayari.

“Colter, I need to go back down,” pahayag ni Bellatrix. Akma niyang pipindutin ang button para bumukas ang elevator pero hinuli agad ni Colter ang kaniyang kamay.

“What for? Can’t you see that I’m jealous of him?” pagalit na sabi ni Colter.

Napatanga si Bellatrix at gulat sa tinuran ni Colter.

“He’s. . . jealous of Yhuno?”