CHAPTER 19: HIS SISTER

SA ARAW NG SABADO ay sinundo ni Colter si Bellatrix nang bandang alas tres y media ng hapon. Maaga sana silang aalis ngunit naging busy si Colter sa umaga. Mamimili kasi sila ngayon ng mga damit na gagamitin ni Bellatrix sa trabaho. Pumayag naman si Bellatrix, kahit na may mga pormal naman siyang damit pang-opisina.

“Just pick anything you like,” saad ni Colter nang marating nila ang unang boutique ng mga damit sa mall.

“Anything? Eh, paano kung gusto ko lahat ng damit dito?” nakangising tanong ni Bellatrix. Lumapit na rin siya sa isang rack ng mga damit at nagtingin doon. Dalawang saleslady naman ang lumapit sa kanila sa gilid. Magkahawak-kamay pa at pabulong-bulong sa isa’t isa.

“Ain’t a problem, Trix. I will buy whatever you wish,” nakangisi ring tugon ni Colter. Pero alam ni Bellatrix na seryoso roon si Colter. Hindi naman kasi malabong mangyari iyon kung gustuhin nga niya.

“Sabagay, ang batas nga ay nabibili niyo’t napapayuko,” mapait na aniya sa isipan. Kinagat niya ang ibaban