CHAPTER 18: THE APPLICANT

PAGKALIPAS ng limang araw ay marami na agad ang nangyari sa buhay ni Bellatrix. Una ay ang pag-terminate niya ng kontrata kay Jaypee. Ang buong akala niya ay mahihirapan siya, ngunit dahil sa tulong ni Colter Marquis ay napadali iyon. Subalit hindi niya pa rin maiwasang makarinig ng mga masasamang salita tungkol sa kaniya.

“Iba talaga kapag may backer at mayamang boyfriend,” naiiling na saad noong isang babaeng modelo sa tatlo pang kasama nito. Pinapanood nila si Bellatrix, Reven, at isa pang legal adviser na magkasamang naglalakad. Si Reven kasi ang ipinasama ni Colter dahil abogado ito at marami siyang kilalang magagaling na kapwa abogado.

“Sinabi mo pa! Balita ko nga ay maging si Yhuno ng Zhao Empire ay nilalandi niya,” saad naman noong pangalawang babae. Umikot ang mata niya nang magtama ang tingin nila ni Bellatrix na palapit na sa kanila. Kahit nasa malayo pa sila ay alam pa rin ni Bellatrix na siya ang pinag-uusapan.

“Tsk, tapos ngayon ay si Attorney Reven Espiras na ang kasam