CHAPTER 4: UNDER ONE ROOF

“You’re nosy, too.”

“Ay, mama mo blue!”

Nabitawan ko ang cup noodles na hawak-hawak ko dahil sa gulat, buti na lang hindi ko pa ‘yon nalalagyan ng mainit na tubig. Sinamaan ko nang tingin si Zake na chill na chill na nakaupo sa sofa ng bahay ko.

Nilapag ko ang mga gamit ko sa counter ng kusina, “Anong ginagawa mo dito?”

He shrugged, “Your Dad told me that this is our house.”

Napakunot na lang ako ng noo. Takte talaga ‘tong tatay ko. Maparaan talaga, eh.

“We need to split the bills here. Siguro naman may trabaho ka,” sabi ko habang hinahanap ang snacks ko. Lalong kumunot ang noo ko nang mapansing wala na ang snacks na binili ko sa supermarket kahapon.

Nasaan na naman ba ‘yon—

Napalingon ako sa gilid ko nang may narinig akong nagbukas ng pakete. Halos madapa pa ako nang tumakbo ako papunta kay Zake. Ang p*****a, kinuha ang snacks ko!

“Hoy! Akin ‘yan– Ay!”

Ramdam ko ang pamumula ng mukha ko nang mapatid ako sa sarili kong paa dahilan para matumba ako sa kaniya at madaganan siya. Sobrang lapit namin sa isa’t isa at alam kong naririnig niya kung gaano kalakas ang tibok ng puso ko.

“Feeling comfortable?” tanong niya dahilan para bumalik ako sa ulirat.

Dali-dali akong tumayo at kinuha ang snacks sa mga kamay niya. Dire-diretso na ako sa pantry para matago ang namumula kong mukha at ikalma na rin ang sarili. Bakit ba kasi tanga-tanga self?

Nang kumalma na ako kahit papaano ay kumilos na ako para magluto na ng kakainin namin. Buti na lang nmili na ako ng stocks kahapon kaya medyo may maluluto akong matino-tino. Kinuha ako ang frozen meat mula sa ref at iba pang rekados para magluto ng adobong baboy. Bahala siya r’yan kung ayaw niya kumain.

Halos atakihin na ako sa puso nang makita na siyang nakasandal na sa counter. Ang makasalanan kong mata ay dumiretso sa baba niya dahil naka-sweatpants lang siya na gray at sando na black. Ang mga biceps niya ay pumuputok na parang gusto kong iipit ang mukha ko ro’n.

Inayos niya ang specs niya habang pinapanood akong naglalakad palapit sa kaniya. Nacoconcious ako sa tingin niya kaya hindi ko alam kung makakaluto ba ako nang maayos.

“Hindi mo ako kakausapin?”

Napasinghap ako nang pumwesto siya sa likod ko nang tanungin niya ‘yon. Tinukod niya ang kanang kamay siya counter at sinilip ang mukha ko mula sa gilid. 

“A-ano…” Nawala ang mga sasabihin ko sa hangin. Bakit ba kasi kailangan pang lumapit, eh?! 

Nagulat ako nang kunin niya sa kamay ko ang karne at diniretso ‘yon sa lababo para hugasan. Bakit niya ba ‘to ginagawa? Ano ‘to pangbawi sa ginawa niya kahapon? Hay, bahala siya r’yan. Gawin niya ang gusto niyang gawin. Habang naghihiwa siya ng karne, inayos ko na lang ang ibang kakailanganin sa pagluluto. 

Tanging tunog lang ng kutsilyo na tumatama sa chopping board kasama ng tunog ng mantika habang nag-gigisa ako. Pwede na pang-ASMR  ang set up naming ngayon sa kusina. Wala kasi talagang nagsasalita sa amin ngayon.

“I really hate you,” basag niya sa katahimikan.

Matunog ang pag-ngisi ko nang marinig ko ‘yon, “Same.” Kinuha ko na sa kaniya ang karne na hiniwa niya kanina, “Pwede ka nang umupo. Thank you.”

Lumipas ang oras na hindi man lang kami nagsalita ulit. Pagtapos namin kumain ay ako na ang nagkusa na maghugas ng hugasan habang siya may kinakalkal sa laptop niya. Nang matapos ako ay hindi ko na ulit siya pinansin. Dumiretso na ako sa kwarto ko para magpahinga na.

Busy ako sa pags-scroll sa social media account ko nang pumasok siya sa kwarto. Sinundan ko lang siya ng tingin hanggang sa huminto siya sa gilid ng kama ko. King size nman ang kama ko kaya kasya naman kaming dalawa dito kaso ayoko siyang katabi sa pagtulog. 

“Doon ka sa sofa,” pigil ko sa kaniya nang paakyat na siya sa kama.

Tinaasan niya ako ng kilay at tumuloy pa rin sa pag-akyat sa kama, “We’re married.”

Hinagis ko sa kaniya ang unan na nasa likod ko, “Wala akong pakialam. Doon ka na!”

“Stop. I’m going to tell you this to your Dad.”

I made a face to mock him, “Weh, sumbong tatay.”

Ang walang hiya, humiga talaga sa kama! Kinuha ko na lang ang unan ko at dumiretso sa baba para sa sala matulog. Nakakainis! Ako ang may-ari ng bahay pero ako ‘yung natutulog sa sala!

Dahil sa inis, basta na lang ako sumalampak sa sofa na hindi tinitingnan ang mga gamit do’n, kaya nagulat ako nang may parang papel akong naupuan.

Kunot-noo akong tumayo at tiningnan kung ano ‘yon. Mga pictures ‘yon ng isang babae. Iba-iba ang ginagawa niya bawat pictures, iba-ibang tao rin ang kasama niya, minsan ay grupo pa ito ng mga lalaki. Bigla akong kinilabutan nang pumasok sa isip ko na baka stalker ‘tong si Zake.

May isang picture ro’n na nakausli. Kita ko ang mukha ni Zake pero may kamay ng babae na nakapalibot sa leeg niya. Kukunin ko na sana ang picture nang may biglang tumalon sa harapan ko para takpan ang mga pictures.

Sinamaan ko ng tingin si Zake na kinokolekta ngayon ang pictures, “Nakita ko na lahat. Stalker ka pa yata ah. Crush mo?” pang-aasar ko sa kaniya.

Pinasok niya na sa brown envelope ang mga litrato tsaka tumingin sa akin, “Why? Are you jealous?”

Nanglaki ang mga mata ko sa sinabi niya, “Huy, mama mo! Pakialam ko ba r’yan sa obsession mo! Alis na nga!” 

Tinutulak ko na siya but he didn’t even move an inch! Nakakainis, ang bigat niya! Pinilit ko pa rin siyang itulak at natigilan ako nang hawakan niya ang mga kamay ko para patigilin ako.

“Why are you always saying ‘mama mo’? Did my mother do something to you?” he asked, tilting his head like he was really confused.

Napahawak ako sa tiyan ko, at natumba sa sofa kakatawa. So cute, napaka inosente! 

“Hey! I’m asking you! Stop laughing!” Zake tantrumed like a kid na lalong nagpatawa sa akin. 

Nang mapagod ay unti-unti kong hinabol ang hininga ko, “Wala! Bwisit ka talaga! Doon ka na sa taas!”

Sumimangot lang siya sa akin tsaka tumalikod para umakyat sa kwarto. Ang sakit ng panga ko kakatawa. Bwisit talaga ang lalaki na ‘yon.

Humiga na ako sa sofa at nag-check ng mga emails. Most of them are all from our partners and clients, but one email made my heart beat race.

“Hey.

So you’re Zake’s wife? You just literally put your one leg on the grave. Do you want your whole body, too?”