112. Pirma

TULUYAN ng napigtas ang pagtitimpi ni Alexander. Lumapit ito kay Mike, at saka ito sinuntok ng malakas sa mukha, kaya ito ay napasalampak ng upo sa lapag. "Hindi kailangan ng anak ko ang isang tulad mo, Mike. Simula ng saktan mo ang anak ko at ilagay ang buhay niya sa alanganin, nawalan ka na nang karapatan na manatili sa tabi niya. Sa oras na ipilit mo ang gusto mo ay hindi lamang ang lahat ng meron kayo ang kukunin ko sa inyo... papatayin kita!"

Alam ni Raven na hindi nagbibiro ang asawa ng kaibigan, halos magmakaawa ito sa anak na sumama sa kanila ni Sofia. Hinila niya ito palayo sa ama ni Rose, na matindi ang galit ngayon sa kanyang anak, natatakot ito na baka hindi lang suntok ang matanggap ni Mike mula dito.

"Narinig mo ang sinabi ni dad? Umalis ka na, Mike. Hindi ka na kailangan ng kapatid ko!" Taboy ni Frank kay Mike.

Pinahid ni Mike ang labi, tumayo siya at matatag na nagsalita. "Hindi ako aalis dito. Hindi ako papayag na ilipat niyo ng ibang hospital ang asawa ko—ughh!