119. Bast0s

Sinundan ng tingin ni Sofia si Mike habang ‘to ay papalayo. Nabura ang kunwari ay malungkot na ngiti ni Sofia sa labi ng tuluyan ng mawala sa kanyang paningin ang lalaki. Apat na taon na simula ng magbago ito. Hindi na ito ang dating Kuya Mike na kilala niya. Naging malamig ang trato nito sa kanya, at tila naging estranghero na lamang siya sa lalaki. At hindi ‘to matanggap ni Sofia. Napunta sa wala ang lahat ng pinaghirapan niya. At kasalanan ito lahat ni Rose.

Nang makauwi si Sofia ay agad nitong binalita sa ina ang tungkol kay Rose. “T-Talaga, anak? N-nasaan siya? Gusto kong makita si Rose!” Agad na umiyak si Raven ng malaman na bumalik na sa bansa ang inaanak. Ilang taon siyang nangulila kay Rose. Miss na miss na niya ito. “Diyos ko, salamat naman at bumalik na siya.” Wika ng ginang habang patuloy sa pag iyak.

Malungkot na hinawakan ni Sofia ang kamay ng mommy niya. “Pero may problema, mommy. H-hindi na tayo naaalala ni Rose… maging si Kuya Mike ay hindi niya naaalala. Mukhan