115. Rose

PINASADAHAN ni Mike ng tingin ang buong bahay. Malaki ito, malinis sa labas, at napapalibutan ng mga magagandang halaman.

"Ito ang pinakamagandang bahay na nahanap ko na pasok sa description na gusto mo. Mangilan-ngilan lang ang mga kapitbahay mo dito katulad din ng gusto mo. Malayo ito sa kabihasnan, malayo sa maingay at magulang siyudad. Ano sa palagay mo ang bahay na 'to, pare?"

"This is perfect, pare. Thanks for helping me to find this." Pasalamat ni Mike sa kaibigan na si Roger, ang tumulong sa kanya upang maghanap ng mabibiling property.

"Walang anuman, pare. Siya nga pala, hanggang ngayon ba ay wala ka pa ring lead kung nasaan ang asawa mo? Hindi ba't parang napakatagal na ng apat taon para hanapin siya?" Tinapik ni Roger ang kaibigan sa balikat. "Pare, payo lang... hindi mo mahahanap kung ayaw magpahanap. Kung ako sayo magmo-move on nalang ako."

Hindi sumagot si Mike. Marami na ang nagsabi na ihinto na nito ang paghahanap, maski na ang kanyang ina. Subalit wala ito sa bukabul