Capitulo Trenta y Cinco

Napapikit si Arabella, nasa labas siya ng VIP room. Tulala at hindi alam ang gagawin kung papasok ba siya sa loob at kakausapin si Hendrix o hindi. Nakausap niya ang doktor na in charge rito at ayun rito ay disoriented pa si Hendrix at bigyan muna ito ng oras na mapag-isa at binigyan nga ni Arabella. Isang oras na siyang nasa labas ng silid nito. Parang baliw na pabalik-balik na naglalakad sa harap ng pinto.

At hindi rin mawaglit sa isipan niya ang tono ng pananalita ni Nanay Martha kanina.

“Anak.”

“Anak ka ng kabayo!” gulat na sambit ni Arabella habang sapu-sapo ang dibdib. Nang lumingon siya ay nakita niya si Nanay Martha at Ellen na humahangos. Namumula ang mga mata at halatang kagagaling lang sa pag-iyak.

“Asa’n ang asawa mo?” bakas sa boses ni Nanay Martha ang pag-aalala.

Tinuro ni Arabella ang pinto, “Nandyan sa loob, Nay. Pumasok na lang kayo.”

Kumunot ang noo ni Nanay Martha, “Bakit? Hindi ka pa ba pumasok?”

Pagak na natawa si Arabella, “Mauna na kayo, Nay. Dito na muna